Gurea Geroa parte-hartze digitaleko plataformak lan-jardunaldia antolatu zuen joan den astean, eta euskal gazteek etxebizitzaren krisiari aurre egiteko irtenbideak proposatu zituzten.

Irailaren 26an, Laboral Kutxak eta Osoigo Nextek bultzatutako Gurea Geroa herritarren partaidetza digitalerako plataformaren lan-jardunaldia izan zen. Duela hilabete batzuk, bi erakundeek gune digital bat sortu zuten - gureageroa.eus -, eta, bertan, Euskal Autonomia Erkidegoko gazteek parte hartu ahal izango dute, eta interesatzen zaizkien gaurkotasuneko gaiei buruzko kezkak jakinarazi, eta, aldi berean, konponbideak proposatu.

Ikasleen pisuaren bilaketa errazteko edo alokairuen prezioa erregulatzeko plataforma bat sortzea izan zen eguneko irtenbide nabarmenetako bi. Halaber, gazteen artean alokairu soziala sustatzeko, finantza-hezkuntzako programak ezartzeko eta emantzipaziorako laguntzei eta dirulaguntzei buruzko informazio guztia biltzen duen webgune bat sortzeko ideia baloratu zen.

Lankidetza-proiektu honek dagoeneko 6.000 parte-hartzaile aktibo baino gehiago ditu, eta eztabaidatu beharreko lehen gaiarekin, etxebizitzarekin, lotutako 100 proposamen baino gehiago. Laster, prozesuaren emaitza guztiak biltzen dituen txostena argitaratuko da, eta parte hartzeko prozesu berri bat abiaraziko da, interes sozialeko eta gaurkotasuneko beste gai batekin.

Azken 5 hilabeteetan, Gurea Geroa saioak galdetegia eta erronka bat jarri ditu mahai gainean, gazteek etxebizitzaren arloan dituzten iritziak eta proposamenak ezagutzeko. Makroinkesta batekin hasi eta proposamen-fase batekin jarraitu zena, aurrez aurreko jardunaldi batekin amaitu zen. Bertan, arkitekturako ikasleek eta erakunde laguntzaileek proposatutako gai bakoitza aztertzeko eta irtenbide posibleak komunitatean aurkezteko aukera izan zuten.

Fase horiek guztiak azken txosten batean jasoko dira, eta komunikabideen eta Eusko Legebiltzarraren aurrean aurkeztuko da. Inkestaren emaitzak, plataforma digitalean egindako proposamenen azterketa eta lanaldiaren ondorioak bilduko dituen txostena.