Merkataritza edozein komunitateren eguneroko bizitzaren parte da. Ez da soilik produktuak erosten ditugun espazio bat, baizik eta gure auzo eta herrientzat topagune, harreman eta identitate gune ere bada.

Hala ere, azken urteetan aldaketa garrantzitsuak ikusten ari gara. Gero eta ohikoagoa da saltoki txikiak ixtea; aldi berean, online erosketak hazten ari dira, kontsumo modu berriak sortzen dira eta negozio tradizionalak mantentzeko zailtasunak handitzen ari dira.

Baina, zer dago honen guztiaren atzean? Aldatu al dira gure kontsumo ohiturak? Zer paper jokatzen du gaur egun tokiko merkataritzak? Eta zer merkataritza-eredu nahi dugu etorkizunerako?

Galdera hauen inguruan hausnartzeak gure eguneroko ohiturez gain, gure hiriak eta ekonomiak nola antolatzen diren eta elkarrekin nolako bizitza eraiki nahi dugun pentsatzera gonbidatzen gaitu.

Gurea Geroa ekimenetik, Euskadiko gazteen iritzia ezagutu nahi dugu. Nola erosten duzuen, zer baloratzen duzuen eta merkataritzaren etorkizuna nola ikusten duzuen jakitea funtsezkoa da nora goazen ulertzeko.

Horretarako, merkataritzari buruzko galdetegi bat prestatu dugu, besteak beste, kontsumo ohiturak, tokiko merkataritzaren eta online merkataritzaren rola, gure erosketen gizarte- eta ingurumen-inpaktua, sektoreko enplegua edo Euskadiko politika publikoek izan beharko lituzketen lehentasunak aztertzen dituena.

Sartu zuzenean merkataritzari buruzko inkestara eta partekatu zure iritzia. Ez da beharrezkoa erregistratzea galdetegia betetzeko, baina gure webgunean erregistratzen bazara prozesuaren berritasun guztien berri izan ahal izango duzu.

PARTE HARTU!

Prozesu honek Laboral Kutxaren eta Eusko Jaurlaritzaren babesa du, ondorioak eztabaida publikora eramateko eta errealitatera hobeto egokitutako politikak definitzen laguntzeko helburuarekin.

Zure iritziak lagun dezake bizitzen ari garen aldaketak hobeto ulertzen eta merkataritza-eredu hurbilago, jasangarriago eta orekatuago bat irudikatzen.

Zer deritzozu?