Zuetako askok "estres" hitza dagoeneko entzungo zenuten seguraski. Asko erabiltzen dugun hitz bat bilakatzen ari da gure errutinan, horrek esan nahi du gure egunerokotasunean atsedenari ez diogula duen garrantzia ematen. Egia da, geroz eta auto-diagnosi gehiago egiten direla baina hala ere, gero eta gehiago dira estresa jasaten duten pertsonak, baina nola jakin dezakegu neke sentsazio hau estresa den hala ez?

Estresa modu desberdinetan azaleratu daiteke, mota edo pertsona bera dagoen fasearen arabera. Sintoma desberdinak izan daitezke:

• Fisikoak: gehiegizko izerditzea, batez ere eskuetan; muskuluetan tentsioa, normalean bizkarrean eta lepoan (kontrakturak) eta arnasketaren alterazioa dira sintoma nagusienetako batzuk.
• Emozionalak: urduritasuna, izua, larritasuna, negar egiteko gogoa, umore-aldaketak eta neurriz kanpoko kezka dira ohikoenak.
• Jokabidezkoak: Ezin egona izatea, barre urduria, bruxismoa, suminkortasuna, loaren asaldurak, besteak beste
• Kognitiboak: kontzentratzeko zailtasuna, oroimenaren alterazioak eta ideia katastrofikoak.

Estresari aurre egiteko lehenengo pausa, identifikatzen jakitea da. Behin estresa sufritzen ari garela ohartzen garenean, zergatia aztertu behar dugu. Hona hemen osasun-espezialistek estresa murrizteko ematen dituzten zenbait aholku:

• Egunerokotasunean jarrera positiboa izatea.
• Besteekin komunikazio garatzea, ideiak, kezkak, nahiak, proiektuak eta abar gainontzeko pertsonekin partekatzea.
• Behar den denbora lo egitea, atsedena izateko. Ez gehiago, ez gutxiago (egunean sei eta zortzi ordu).
• Ariketa fisikoa egitea.
• Dieta orekatua izatea.

Bizi-erritmo bizkorrarekin eta gazteen kezkekin ohikoa da etengabeko estres-koadroak behar baino ohikoagoak izatea; horregatik, aholku horiei jarraitzea gomendatzen dugu, eta, uste dugu beharrezkoa dela, osasun mentaleko espezialista batekin harremanetan jartzea.

Parte hartu osasun mentalari buruzko galdetegian !